Evit an demokratelezh,

Breizh o stourm 

A-enep ur patrom jakobin gall ne c’hell ket padout ken hag a voug an tiriadoù hag o diorroadur.

Evit ur republik digreizennet evel e pep lec’h all en Europa a ro d’an tiriadoù ha d’ar poblañsoù ar galloudoù reolenniñ ha merañ an arc’hant d’an tiriadoù evit un diorren lec’hel diouzh o c’hoant.

A-enep abafiñ ar gevredigezh keodedel hag he flastrañ  dre herzel an dud, gwaskañ warno hag o c’haztizañ.

Evit ma vo doujet d’eur Stad a wir hag evit  barnadennoù a aotre da ziskleriañ menozioù ent foran, evit derc’hel ur gevredigezh demokratel digor ha liesek.

Evit ma vo anavezet gwir ar minorelezioù e Frañs. Kondaonet eo bet alies gant Lezioù-barn etrevroadel rak n’en deus ket Stad Bro-Frañs doujet da wirioù sevenadurel ha yezhel (U.B.U. e miz mae 2008, hag all...).

Evit ma asantfe Frañs d’ar gwir etrebroadel ha d’ar gwir european : Diskleriadur hollvedel gwirioù mab-den, kenemglev stern evit gwareziñ ar minorelezhioù broadel e 1995, karta gwirioù diazez Unvaniezh Europa enskrivet er feur-emglev sinet e Lisboa e 2007, a warez ar minorelezhioù broadel o reiñ dezho gwirioù a rank ar Stadoù sinourien doujañ.